بەهۆى تۆپبارانى ئەمڕۆ ى ئێران گوندنشینێک بریندار بووە

 
2010.08.23 - 19:46

محه‌مه‌د چاوشین

 

ڕێنێسانس نیوز؛ قه‌ڵادزێ

لەئەنجامى تۆپبارانەکانى ئەمڕۆى ئێران بۆ ناوچەکانى بنارى قەندیل،هاووڵاتییەک بەسەختى بریندار بووە و چەندین ئاژەڵى گوندنشینانى ئەو دەڤەرەش لەناوچوون.

 

سەرچاوەیەکى ئاگادار لە بەڕێوەبەرایەتى ناحیەى سەنگەسەر بە (ڕێنێسانس نیوز)ى ڕاگەیاند کە دواى ئەوەى ئێران ئەمڕۆ تۆپبارانى گوند و ئاواییەکانى بنارى قەندیلى دەست پێکردەوە، بەهەزاران دۆنم زەوى لە پوش و پاوان و دارستانەکانى ئەو ناوچانە سوتاون و لەناوچوون.

 

گوتیشى"هاوووڵاتییەکى خەڵکى گوندى زورکان بەناوى "رەسوڵ حسێن" تەمەن 30 ساڵ لەکاتى کوژاندنەوەى ئاگرەکەدا بەهۆى تۆپبارانەوە بەسەختى بریندار بووە و ئەگەرى بڕینەوەى دەستێکیشى لەئارادایە".

 

ئەو سەرچاوەیە ئاماژەى بەوەش کرد کە بەهۆى ئەو تۆپبارانەوە چەندین سەر وڵاخى گوندنشینانى ناوچەکانى بنارى قەندیل لەناوچوون.

 

هەرچەندە کۆمارى ئیسلامى چەندین ساڵە بە بیانووى بوونى گەریلاکانى پژاک و پ ک ک تۆپبارانى گوندەکانى بنارى قەندیل دەکات،بەڵام گوندنشینان بوونى هەرچەشنە بنکەو بارەگایەکى ئەو دووپارتە کوردیەى نەیارى ئێران لەناو گوندەکاندا ڕەت دەکەنەوە.


 

 


Copyright © 2020 Renaissance. All rights reserved.