چ سووتێنەرە ئاواتە پاییزیەكانی شۆڕەلاوێكی تەنیا و فرمێسكاوی و شەوەگریانی پێنووسی خاتوونێكی یاخی و تەنیاتر ... لەم جیهانە بچووكەیا ، ئاخیر شەوی پاییز ، دەستی ناوەتە بینم و بەهاریش چاوەروانی سیپەلكەسپیەكانم دەكا . پێنووسێكی شكاو دوو گیانە و هەناسەكانی یاخیەكی غەریبیش دەگاتە گۆی مەمكی لاپەڕەكانم . لەهەڵات هەڵاتی هەناسەبڕكێی زامی دڵ و تامەزرۆیی ماچێكی پاییزییەوە ... تا .... لە خاچ دانی خودا .... خوێناوێكی دوور ... پێك دەگەین و شەوەژوانی فرمێسکەكانیشمان ... چپەی شێعرەكانمانە تا ... هەركوێ . ... " لەكام ڕەگەزین من و تۆ ؟ " تا سەر ئێسقان ... خەفە بووم و تۆیش ... ... ئێرە ژوانگەمانە : سێدارەی مۆبیلێك و چاوەڕوانیی دڵی من و پاییزەشەوگارێكی ڕەش داگیرساو و "" بزەی ئازارەكانمان " ... قومە ئەسرینێكی سەڵتت ، تینوویەتیم ئەشكێنێ و باران ... ئەبارێ و من و تۆیش ... جێ ژوانی ئەلەكتریكی و ماچی ئەلەكتریكی و ... چ قیزەوونە ئەم لاوییەتیە . سنگی تووكنت لە ئامێزی كراسەكەتدا و پەڕۆیەكی دیاری جێژنی لە دایك بوونیشم ، پرچەكانم ... چ قیزەوونە فرمێسك . ... لە كۆتایی خەزاندا ، ماچێكی پاییزی و دڵەڕاوكێی مۆبیلێكی بنەوش و یا هاورێكەم ! ... رێژنەی شێعرەكانمان ، ئاواتێكی نوێیان لێ دەزێ . ... بارانێكی بەكوڵە و چ حەرامە ژوانێكە رمبەڕمبی دڵمان ... هەناسەیەكی غەریبی یاخی لە منداڵدانمایە . ئێرە ژوانگەمانە . لەلایەن نازانم كێ ! شێعرێك بە ژانی كۆرتاژەوە بەردەباران كرا . ( سوبحی سەلیمی - بانە ) | 
