RSS Feed

      

یه‌کشه‌ممه، ۲۵‌ی ژوئه‌نی ۲۰۱۷

Renaissance News Index

 

هیچ کۆمه‌ڵگه‌یه‌ک له‌سه‌ر بنه‌مای نکۆڵیکردن له‌ ئازادیی تاک بنیات نانرێ
« مه‌هاتما گاندی »
 

  هه‌واڵ »» ڕووداو           ئه‌م لینکه [757] جار بینراوه       Send this page to your friens    Print this page    Send comment to this page

 

ئه‌م دوانیوه‌ڕۆیه‌ بناری قه‌ندیل تۆپباران کرایه‌وه‌

 

محه‌مه‌د چاوشین

2010.08.23 - 17:53

 

ڕێنێسانس نیوز؛ قه‌ڵادزێ

پاش نیوه‌ڕۆى ئه‌مڕۆ بۆ جارێکى تر تۆپخانه‌کانى کۆمارى ئیسلامى به‌ چڕوپڕى تۆپبارانى ناوچه‌کانى بنارى قه‌ندیلى کرد.

 

تۆپبخانه‌کانى کۆمارى ئیسلامى ئێران،پاش ماوه‌یه‌ک بێده‌نگى، بۆجارێکى تر ئه‌مڕۆ (دووشه‌ممه‌ 23/8/2010) تۆپبارانى گوند و ئاواییه‌کانى بنارى قه‌ندیلى ده‌ست پێکرده‌وه‌ و زیانێکى زۆرى مادى به‌ پوش و پاوان و دارستانه‌کانى ئه‌و ده‌ڤه‌ره‌ گه‌یاندووه‌.

 

هاوڵاتى حه‌مه‌ره‌سوڵ خه‌ڵکى ناوچه‌که‌ له‌په‌یوه‌ندییه‌کدا به‌ڕێنێسانس نیوزى گوت"ئه‌وناوچانه‌ى ئه‌مڕۆ ئێران تۆپبارانى کردوون، پێشتر تۆپباران نه‌کراون و بۆیه‌که‌م جاره‌ تۆپباران ده‌کرێت، ئه‌گه‌ر بیانووى ئێران بۆ ئه‌و تۆپبارانه‌ بوونى گه‌ریلاکانى پژاک بێت، ئه‌وا هیچ بنکه‌و باره‌گایه‌کى ئه‌و هێزه‌ له‌و ناوچانه‌ نییه‌".

 

ناوبراو گوتیشى"تۆپبارانه‌که‌ زۆر به‌خه‌ستى ئه‌نجام ده‌درێت و به‌و هۆیه‌وه‌ ڕووبه‌رێکى زۆرى پوش وپاوان و دارستانى ئه‌و ناوچه‌یه‌ سوتاوه‌ و به‌هۆى گه‌وره‌یى ئاگره‌که‌ش هێشتا ئاگره‌که‌هه‌روا به‌رده‌وامه‌ و کۆنتڕۆڵ نه‌کراوه‌".

 

به‌پێى قسه‌ى ئه‌و هاووڵاتیه‌ تۆپبارانه‌کانى ئه‌مڕۆ نزیک ناوچه‌کانى شارۆچکه‌ى سه‌نگه‌سه‌رى گرتۆته‌وه‌ و به‌و هۆیه‌شه‌وه‌ ترس و دڵه‌ڕاوکێیه‌کى زۆرى له‌ ناو گونده‌کانى ده‌وروبه‌رى ئه‌و شارۆچکه‌یه‌ دروستکردووه‌.

 

ڕێنێسانس نیوز له‌وباره‌وه‌ هه‌وڵى دا په‌یوه‌ندى به‌ "د.کاوه‌ مه‌حمود"وته‌ بێژى حکومه‌تى هه‌رێمه‌وه‌ بکات،به‌ڵام سه‌رکه‌وتوونه‌بوو.

 

تۆپبارانه‌کانى ئێران له‌کاتێکدایه‌ که‌ سه‌رۆکایه‌تى هه‌رێم و حکومه‌تى هه‌رێمى کوردستان به‌رده‌وام ئیدانه‌ى ئه‌و ده‌ستدرێژیانه‌ى ئێرانیان کردووه‌ و داوایان له‌و وڵاته‌کردووه‌ که‌ ڕێز له‌سه‌روه‌رى خاکى هه‌رێم بگرێت، به‌ڵام کۆمارى ئیسلامى تاهه‌نووکه‌ گوێى به‌وداخوازیه‌ى ده‌سه‌ڵاتدارانى هه‌رێمى کوردستان نه‌داوه‌.

 

 

 

گه‌ڕانه‌وه بۆ لاپه‌ڕه‌ی یه‌که‌م          ئه‌م لینکه [757] جار بینراوه            Send this page to your friens    Print this page    Send comment to this page

 
 
 

 

 

مانشێت

 
 

 

 
 

 

 
 

 

 

 

هه‌واڵ

 
 

 

 
 

 

 
 

 

 

 

ڕاپۆرت‌و ئانالیز

 
 

 

 
 

 

 
 

 

 

 

مقالات فارسی

 
 

 

 
 

 

 
 

 

 

 

اخبار فارسی

 
 

 

 
 

 

 
 

 

 

 
 
 

Copyright © 2017 Renaissance. All rights reserved.